NAZAM ABON SELIMUM GUHA SHUR

وما حوى الغار من خير ومن كرم وكل طوف من الكفر عنه عمى
BEUTA INGAT WATEE HIJJRAH NABI NEULANGKAH U DALAM GUHA .LAM GUHA SHUR NABI NEULANGKAH NGON KHALIFAH ABU BAKAR .

ABU BAKAR YANG TREN DILEE ATEUH BATEE MEUCULA CULA. LAJU NEU PEUGLEH ATEUH BATEE BEK NA HIM BEE LIMPEUN KALA. LHEUH NIBAK NYAN NEUTREN PANGHULEE ATEUH BATEE NEU PIYOH SEUGRA. NEUPIYOH SIAT LEE PANGHULE PEREUBAH ULEE BAK ABU BAKAR.

DI DALAM GUHA NYAN NA SABOH LUBANG ULEE DI DALAM CUKOP RAYA..NGON TAPAK GAKI NEUTOP LOBANG OLEH TEUMAN ABU BAKAR. ULEE JI COEK TAPAK GOB NYAN SAKET KON WAYANG TIJOEH IE MATA...

IE MATA ROE MEUKARANG KARANG BAK MIENG JANJONGAN SAIDIL AMBIYA.. YOEH NYAN NABI NEUTANYOENG RIJANG PAKON JEUT MENAN HAI ABU BAKAR... ABU BAKAR JAWEUB RIJANG RIJANG GAKI LON TUAN JIKAP LEE BISA..

JI COH LEE ULEE DI DALAM LOBANG SAKET KON WAYANG NYAN JEUT ROE IE MATA... BAH KEUH JIKAP KAKI LON TUAN ASAI AMAN SAIDIL AMBIYA...

LHEUH NYAN NABI LAJU NEURAJAH NGON FATIHAH LAEN LOM DO'A..

LAJU PULEEH NEUBRIE LEE ALLAH GAKI KHALIFAH ABU BAKAR..

SIDUEMNAN SEUDEH NABI HIJJRAH NGON KHALIFAH SAHABAT SEUTIA.. MAKA GOB NYAN AHLUL JANNAH NABI NEU PEUGAH MUBASYIRA..

NABI NEUHEI ULEU KENAN PAKON MEUNAN HAI DAROEHAKA..

KEUPEU KACOH SAHABAT LOEN TUAN
NYAN KEUH GOB NYAN PALENG SEUTIA..

ULEU SEU OET LAJU WATEE NYAN IZIN LON TUAN WAHEI SAIDUNA

SALAMUALAIKOM SAIDUL AKHUWAN
YA MARHABAN KATROEH NEUTUEKA..

MEUPLOEH PLOEH THOEN KAMOE DI SINOE HANA MEUSIDROE URENG NYANG TEUKA.

KAMOE MEUTUPEU NIBAK UROE NYOE AKAN TROEH KEUNOE SAIDIL AMBIYA..

TEUNGOEH KAMOE PREH PANGHULEE ALAM GEUJAK TOEB LOBANG LEE ABU BAKAR..

KOMOE LHIEH LHIEH GAKI GOB NYAN
LAKE JALAN KENUEK KEU LUA.

NA LHEE UROE NABI DISINAN KAFEE MUMANG BAK DII JAK MITA..

HANA LEUMAH GEUBRIE LEE TUHAN KAFEE JAHANNAM MATA KABUTA

MIRAH PATI TEUNGOH KEUMAROM
NGON RAMBIDEUN BAK BABAH GUHA..

HANA MUNGKENG UREUNG JIDALAM MEUNAN JI PAHAM LEE KAFEE CEULAKA..

ظنوا احمام وظنوا العنكبوت على خير البرية لم تنسخ ولم تحم..

CIPTA* ALM HAJI MUKTAR LUTFI
(ABON SEULIMUM) PIMPINA DAYAH RUHUL FATA SEULIMUM ACEH BESAR.